لا يفوتكم لقاء حصري مع فيـصل الـخالد وجولة قصيرة في منزله

وعليكم السلام ورحمة الله وبركاته
لا تقولوا ويش في..انتم دخلتم اجل انتم اللي لازم تردون السلام..!
طبعاً يؤسفني اني اكتب لكم هاللقاء اللي صار..وما كنت ناوية اضيع وقتي الثمين واكتبه ولكن لما صرعني هالمخلوق باني اكتب
عنه هالتقرير لجل يصير مشهور قلت له والله ما افشلك ولا اردك خايب يعني يمكن تنعرض هالسالفة على الام تي في الامريكية ويصير لنـا فرع
لمنتدى غرام يصل لامريكا ويجينا مصدر رزق جديد..وسلطان ينبسط من المشاهدات العالية والمتزايده ويرقيني واصير سكرتيرته كذا : شهباء العيون
ما اظن ان هالاشياء كلها تضر..

اول شي قلت للزميل اننا وطاقم التصوير نبغى عنوان بيتك لجل نسوي اللقاء فيه..عطانا العنوان واتفقنا نروح لعندهم بجدة بعد آذان العصر
ويتم اللقاء ونتعرف على الجانب الآخر لهالشخصية الغامضة..
رحنا للعنوان المنشود..دخلنا وتم تفتيشنا وكان الباب مركب فيه جهاز كشف معادن واضطرينا ندخل حافيين..البيت كان مررره نظيف ومرتب ويبرق
برق ويطغى عليه الستايل الكلاسيكي(الابيض والاسود)..
وفي مكتبة طويييلة وكبيرة مررره خشبية ولونها بني..متروسة كتب مصفوفة بالترتيب الابجدي..من الالف للياء..ولمحت كتاب كفاحي لهيتلـر من ضمنهم..
سمح لنا نشوف غرفته..اللي كان فيها ثلاث الوان : ابيض اسود واحمر..
اكثر شي لفتني الطشت والمخده المنفوشة..دزيتها ولقيت تحتها دب فيه قلب احمر مكتوب عليه : أي لوف يو
شكله يخم الدبدوب لاجا ينام
المهم يبي يطلعنا للصالة الفوقية لجل نسوي اللقاء هناك
على جهة اليمين كان في درج..رقيت الدرج انا والطاقم ونطلع ونطلع وكل شوي اقول وصلنـا لكن هالدرج ما كان يخلص..تعبت..حسيت اني اطلع بسور الصين
العظيم ماهو للدور الثاني..اشك لو اني استمريت بالرقى كان وصلت لتبوك..!
لما شفت السالفة كذا..وحنا والطاقم بنلهث من شدة التعب قررنا نختصر ونسوي اللقاء بالصالة التحتية..
المهم ما عاد فيني اتحرك اكثر لجل انزل..جلست على الدرابزين وتزحلقت معه..وثواني الا وانا تحت..ما يحتاج اتعب نفسي..ما امداني اصل الا وهو ملطوع قبلنا بالصالة..
اخترعت لا يكون معنا سبايدر مان وحنا ما ندري بس ناظرت زين الا وهو نازل عن طريق المصعد..عصبت وشوي وكنت الفعه بالاباجورة.. اجل عنده مصعد ومتعبنا برقى الدرج..؟؟
جلست على كنبة بنيّة وغرقت فيها..مريحة حيييل..حسيت ودي اغفي شوي وأأجل اللقاء لوقت ثاني..
مالكم بالتفاصيل الدقيقة..بدأ الطاقم بتوزيع الكاميرات والاضاءه بداخل الصالة..وانا جلست اضبط حجابي ونقابي..وكل شي تمام

بدأ العد :3..2..1..

قلت : عمتم مساءاً اعزائي الشيون والغير حلوين..في حلقة اليوم من برنامجنا للمره الاولى والاخيرة نستقبل شخص عذّب قلوب الكثيـر..وساعد ارواح الكثيرين..
وفشّل وكسر خواطر الملايين يتميز بربطة العنق الكاتمة للنفس مع البدلة الرسمية المخططة..ورائحة العطر التي تشمها قبل ان تدخل التحلية..
الانسان الكتوم والهادىء جدا لدرجة ما تحس بوجوده..معنا في حلقة اليوم : فـيصل الخـالد..<<رجاءاً صفقوا ما يحتاج تفشلونا قدام اهل الحجاز..
قال : فاصلة..اهلا بكم وسهلا في ارضي ارض الرخى والشدة..فاصلة
قلت بشك : هلا فيك زود..بدايةً لازم تعرفنـا عليك وعلى اسمك الحقيقي..وش اسمك يا طويل العمر..؟؟
ظل ساكت دقيقة ودقيقتين وثلاثة ونص ساعة وهو ما نطق..صارخت عالكاميرا رقم 2 وقلت:كااات
وناظرته بنص عين وقلت: وش دعوه منت ناوي تقول لنـا اسمك ..؟؟
قال : فاصلة بالطبع سأقول لكم ولكن عليء التفكير بشكل عميق..فاصلة
قمت اتفقت وياه يقول لنا ان اسمه سيـف ويفكنا..؟
قلت : يا كاميرا 2 اكشن من جديد..ورديت اعيد عليه السؤال وش اسمك..؟؟
قال : فاصله سيـف فاصله..
قلت : وش تحب تآكل..؟
قال : فاصلة احب الطعام النباتي بشكل عام ولا بأس ببعض الاسماك والدجاج بين الفينة والفينة الاخرى فاصلة
قلت : كم عمرك..؟
قال : فاصله تسعة وثلاثون ربيعاً فاصله..
قلت : يا ليل الفاصلة بس..سولف بدون قيود ولا حسابات..اصلا اشك انك مولود بالقرن الفايت..
واضفت : ممكن بعد خشمك الطويل هذا تسولف لنـا عن هواياتك وميولك..؟؟
قال :فاصلة اووووه بالتأكيـد..فانا شخص لدي العديد من الهوايات والاهتمامات..فانا اهوى السفر والسياحة واحب الفنون والتاريخ..(عدّل نظارته على عيونه واكمل)
وتجذبني القرون الوسطى والعصور الرومانية مما تحتويه من احداث ومعارك..احب لويس السابع عشر فبنظري انه شخصية لن تتكرر..اميل للشقراء هيلاري كلينتون وو..
قاطعته وانا اصر على سنوني: بس بس كافي الله يرحم والديك..المشاهدين جاهم نعاس ..كااااات نرجع بعد الفاصل..


اضغط على الصورة لرؤيتها بحجمها الطبيعي


بونـكس : نظافة ريحة..توفيـــر<بذمتكم ما دندنتوها..؟؟

بخلال وقت الاستراحة حقت الفاصل ريقي نشف..وحسيت بضمأ..وكل شوي اقول بعقلي هالحين يضيفنا الرجال..الحين يجي العصير..الحين يجي
الشاهي..يلا هانت القهوة على وصول..صرت عادتن بلاط بيتهم بلاطة بلاطة..وشبرت الصالة شبر شبر..وخلص الفاصل وهو ما قدم لنا شي..
وش اقول بس حسبي الله عالبخل..
مثّل قدامنا انه يسولف بالجوال..ووقت اعاده التصوير تعذر لنـا :فاصلة المعذره كان معي وزير الصحة..ولن تصدقوا ماقاله لي عما تحتويه العصائر والشاي والقهوة من
اضرار ومواد حافظة واصباغ طعام..ومواد مسرطنه فتاكة ومميته..بعد قليل ساُضيفكم ماء..فهو اكثر فائده..فاصلة
قلت بعقلي : ما ضيفتنا خوف على صحتنا من المواد الحافظة واصباغ الطعام اللي بالعصير هاااا..ادري ان السبب بخلك ماهو شي ثاني..
تحت الاضواء من جديد..
قلت : هلا ومسهلا اعزائي الشيون..عدنا مع ضيف هالحلقة..يا رجـال..فكنا من هالسواليف اللي تكتم النفس وتحوم المريرة وخلنا نبحبح بالموسيقى..
وش تحب تسمع عادةً..؟؟
قال بحالمية وهو يضم راحة ايديه ببعض : فاصلة الموسيقى..الموسيقى عشقي الابدي..هي لغة روحية ولغة عالمية كذلك الامر آآ..
قاطعته مره ثانية : يا ليل ما اطولك..ما قلت لك تعرفنا بمعنى الموسيقى..قلت لك وش تحب تسمع ,,؟؟
قال :فاصلة حسناً حسناً لا تصرخي عليء..لست باصغر اطفالك.. واردف قائلاً وهو يثبت نظارته الطبية على عينه بيده اليمين :احب محمد عبده..
وللمعلومية انا من لحّن له اغنية الاماكن..واود ان اطربكم بصوتي الشجي فاصلة
قلت بحاجب مرفوع :اجل سمّعنـا وغرد لنا يالعندليـب..ويا جورج(جورج يكون صديق العايلة ) ابدأ العزف..
اشتغلت الموسيقى..وتنحنح الرجال يمكن سبع مرات..وقال متمتماً فاصلة..وزاد الطين بله لما قال : الامـــــــــــــــــــــــــاكـــــــــــــــــــ ن..
هو قال الاماكن منّا..الا وكل قزاز البيـت والشبابيك والصور والثريا والكاميرا انكسر مناك..وواحد من المصورين فقد حاسة السمع..
وجورج اللي يعزف جاه انهيار عصبي من نشاز هالصوت..
لما شفت السالفة كذا..لميت نفسي لجل اشرد..وحتى ما لبست نعالي الله يكرمكم وشردت حافية
ركض ينادي ويقول :فاصلة مالي صلاح ..تعالوا سأكمل لكم بقية الاغنيـة فاصلة..
ما كلفت نفسي اناظره وهربت على بيتنـا وانا اقول :وانا مالي صلاح ولا سالم و يا روح ما بعدك روح..!

خلاص تم اللقاء وش تبون بعـد؟
بكيبوردي المتواضع
تحياتي وتقديري
الوضحى " شهباء العيون "
اكوس وحده في العالم

بارك الله فيك اخي الافضل و سلمت اناملك

شكرا

شكرا