الرئيسية
في البداية احب اوضح الصورة عشان تعرفوا القصد كويس
الموضوع ده مش بتكلم فيه عن الحبيب وحبيبته
انا بتكلم فيه على اتنين بيحبوا بعض ومرتبطين ارتباط رسمي وشرعي
احيانا الطرف الاول الي هو الولد بيفرض سيطرته بشكل صعب على البنت
مش تعملي ده غير وانتي معايا مش تخرجي غير وانتي معايا
مش تلبسي كده غير وانتي معايا مش تهزري كثير غير وانتي معايا
مش تسافري غير وانتي معايا مش تتفسحي غير وانتي معايا
ده ناقص يقولها مش تتنفسي غير وانتي معايا
يعني ببساطة موتي ما دمت انا بعيد عنك ليه تعيشي زي الناس وانا مش معاكي
انا شايف انه مزودها اوي بجد زيادة على انه بيحرمها من حاجات
هو اساسا مش موفرها ليها يعني لا بيخرجها ولا بيفسحها ولا ولا ولا
الي اعرفه ان الانسان لما يمنع حاجة عن حد فهو في المقابل بيعوضه عنها
مش يحكم عليها مش تعملها ويحطها في اقامة جبرية وخلاص انتهى الموضوع ...
ماهو يعني لو البنت خرجت او اتفسحت او هزرت ما كل هيكون في حدود المعقول
مش هتخرج من اول اليوم لاخره ولا هتعمل حاجات غلط
كل ما في الامر ترفه عن نفسها عشان مش تتخنق فقط لا اقل ولا اكثر
انا عارف ان الولد من حقه وواجب على البنت تسمع كلامه بس يعني
مش للدرجة دي عشان الظغط الكثير بيولد الانفجار
انتوا ايه رايكم في كلامي ؟
