الرئيسية
شاب كنت مثل آي شاب في العشرين في عمره محافظ ماعندي آي علاقه مع البنات حياتي عاديه طالب في جامعه آخر سنة لي وحالتي الماديه ميسوره والحمد الله حياتي هاديه في بيتنا محلق خارجي دايم أجلس فيه لحالي ماعندي أخوان بس خوات بنات يعني وبنت عمتي ساكنه عندنا بعد ما توفى ابوها وأمها الله يرحمهم
يوم الإربعاء طالع من جامعه واتصل واحد من اصدقا
_هلا وغلا
_هلابك
_مسرع ماشتقت لي توني معك في جامعه
_شفت عاد هذا الحب مايسوي
_الله يسلمك يوم حبتني
_هههاي اسمع بس اليوم بنطلع مع شباب تروح معنا
_ أكيد رايح ياطيب بس كم ساعه
_8ليل ومكان نفس الكوفي شوب
_صار
سكرت منه ورحت لبيت تقريبآ كل يوم اربعاء هذا حالي انا واصدقاي نطلع على ثمان ومانرجع ألا فجر
تغديت وريحت شوي في غرفتي داخل الفيلا قالت لي أختي انهم بيروحون لعمي لكن انا رفضت واصيرت اروح لربعي
صحيت على صوت ابوي وهو يصحني لصلاة العصر رحت وصليت ورجعت ودخلت لغرفتي بسلام ورجعت نمت
تقربيآ هذا نظامي يوم تالإربعاء من الظهر إلى عصر نايم وما أصحى ألا الصلاة وأرجع انام الى المغرب
صحيت ورحت لعيال في كوفي شوب وسهر إلى 12 قلت لهم اني برجع لبيت ابي انوم وخذيت كذا تعليقه من شباب بس انا بطبعي ما أهتم
مرت شهور وأنا على هالحال بدت الإختبارات ولهيت معها إلين عدت هالمرحله
بصراحه انا أحسها من أصعب لحظات في حياتي هي الأختبارات تخرجنا قررنا نحتفل انا وشباب بها المناسبه وحددنها في مقاهى لما جيت ابطلع وقفتني أختي
_ ابيك تودنيا زواج
_ألحين
_ايه ابوي راح قبلنا هو أمي
_طيب بسررررعه أنا مستعجل
_مشكور يا احلى أخ
طلعنا انا وخواتي وصلت لقاعه القاعه كانت قريبه من البيت مره فوصلت بسرعه لشباب وما تأخرت جلست وانواع ضحك وتعليق على بعض طبعآ جلست شباب مستحيل تكون بدون بلوتوث جوالي ماكان يجيه رسايل يمكن علشان الإسم اللي انا حاطه مدري كانت الرسايل بلوتوث عااااادية ما كان فيها شيء وقفت وانا معصب
_شباب بتسكرون بلوتوث ولا بطلع
واحد من شباب
_مننقهر
_لا والله بس حنا جاين نوسع صدورنا ونسولف مع بعض مو نجلس ساكتين شفوا بعطيكم 5 دقايق ان ما سكرتوا رحت انا بروح اجي لي كفي أحد يبي
طبعآ محد رد علي رحت وطلبت لي كفي وانا انتظر جتني رساله من حلو ؟؟
حطيت قبول وجلست انتظر رساله توصل كتب على شاشه (رسالة جديدة) أخذت الجوال توني بفتحها ألا يوصل طلب حطيت جوال في جيبي ورجعت لشباب
_شباب والله بطلع
واحد من شباب_خلاص خلاص سكروا ياجماعه
سكروا وجلسنا نسولف تقريبآ ساعتين واستأذنت وطلعت وانا في سيارة طلعت جوالي شفت رساله سويت خروج واتصلت على أختي بسألها اجي أخذهم ولا لا قالت لي انهم بيرجعون مع ابوي قلت خلاص وتوني بسكر سمعت صوتها لكن انا سكرت رجعت واتصلت لكن ما سمعت وش تقول من الإزعاج اللي عندها فقلت أن شاء الله وسكرت الخط ورجعت لبيت طلعت لغرفتي داخل الفيلا واتسبحت انسدحت ابنوم وخذيت الجوال بحط المنبه لصلاة الفجر تذكرت البلوتوث رحت لوارد وشغلت كان مقطع من فلم يمكن هذي أول مره أشوفها انشحنت وحسيت اني ابي افرغ طاقتي وبس في مين ماهمني سمعت صوت برا وطلعت شفتها هي واقفه تنتظر مويه تغلي هجمت عليها مارحمتها ولا رحمت توسلاتها لي ولا كلامها ولاحتى تذكيرها لي بـــ ربي ما رحمتها
حسيت بكف على وجهي كان منها أهي
_الله لايوفقك
هالكف صاحني على مصبية شفتها وهي تدخل غرفتها اما أنا فجلست استوعب اللي صار ساعه بكيت ودخلت غرفتي أول شيء شفته هو جوال خذيته ورميته على جدار أكثر من مره الين تكسر وعرفت ان أختي كان تبي تقولي ان بنت عمتي في بيت فلا تدخل دخلت لدورة مياه (الله يكرمكم) وتسبحت وطلعت من البيت بعد مارميت الجوال أخذت ادور في شوارع من دون هدف ولاهدى كانت دموعي على خدي تذكرت عمتي وزوجها وهم يوصوني على بنتهم زاد بكاء عندي وصرت اشهاق من صياح تذكرت ابوي وش بي سوي لو دارى آآآآآهـ وقفت عند نقطه تفيش اكتشفت أني ماسك طريق مكه عطية اوارقي وكملت طريق كله بدموع حسره حسبي الله ونعم الوكيل وصلت الميقات عيوني وخشمي أحمر من كثر مابكيت احرمت وقلت اباخذ عمره لكن ردت علي كلمه كانت زلازل بنسبه لي أنت زاني انت زاني شلون تعتمره وأنت زاني لو اجلس من الحين إلى بكره اكتب لكم شعوري ماراح اوفي جلست حسيت رجولي ماتقدر تشيلني ابدا جاء عندي رجال كيبر في عمر يسألني عن حالي وليش هالدموع وكل ماسألني سؤال كانت دموعي جواب ماقدرت أتكم ولا كلمه حاول يهدي فيني لكن أنا ماهديت راح من عندي ورجع ومعه مويه شربني أيها لاني كنت ارجف وقرى علي قرآن هديت شوي وفقت وقبلت راس الرجال ومشيت ماتكلمت ولا كلمه لان حسيت أن لساني انشل اربط شغلت سيارتي وكملت طريقي تذكرتها هي المسكينه وش حالها ؟وش سوت قالت لأبوي ولا لا؟ ياترى ابوي وش بي سوي ؟ آآآآآآآآآآهـــ ياربي استر علي وعليها يارب يارب يارب
وصلت لحرم أعتمرت حسيت أني حراااام اجلس مع هالناس احسهم طاهرين بكيت من قلبي وصليت ودعيت أن ربي يغفر لي ويرحمني ويستر علي وعلى بنت عمتي ويقدرني وأستر عليها
رحت لفندق واستأجرت لي غرفه ابي انوم لكن وين يجي نوم وأنا أفكر فيها قمت ونزلت ورحت محل اتصالات واتصلت على جوال أختي بس ماردت خفت رجعت ودقيت مره ثانيه وثالثه ورابعه ردت علي
_الوو
عرفت صوتي
_وينك يأخوي عجزنا وحنا ندق عليك وجوالك مقفل
_جوالي خربان المهم وش أخباركم
_حنا كلنا بخير وصحه ألا أنت وينك
_انا في مكه
_في مكه
_ ايه مكه
_ادع ان ربي يسهل لك أمورك وخطيبتك توافق عليك
_خطيبتي
_ايه خطيبتك ولا ما عجبتك بنت عمتك ولا نسيت انك خاطبها من زماااااان أمس ابوي كلمها وقالت بفكر ولما عرفة انك أنت اللي بتودينا لزواج رفضت تروح معنا
_بتصل عليك بعدين وسلمي عليهم مع سلامه
سكرت منها بدون لا اسمع ردها حسبي الله عليك يا اللي أرسلت لي هالرساله حسبي الله ونعم الوكيل
رجعت لغرفه ومن تعب نمت ما حسيت بإحد
صحيت على إذان الفجر غسلت ورحت لحرم وصليت ورجعت جلست يومين وكله دعاء انها توافق واستر علي وعليها وادعي علي صاحب الرساله
رجعت لبيتنا حسيت بألم في صدري وحسيت بضيق شغلت القرآن الكريم وبديت أحس براحه ألا أني أحاس ان صاير شيء لهلي وصلت ورحت لملحق وجلست فيه بالعاده إذا رجعت من سفر ولا شيء ادخل على طول داخل البيت لكن الحين وضع أختلف
جلست انتظرهم ومن شده التعب نمت مدري كم ساعه ماحسيت الأ بيد ابوي على كتفي قمت من نوم مفزوع ابوي متغير لون وجهه واحس انه حزين
_يبه وش فيك
_ياولدي إذكر الله
_لا إله الا الله محمد رسول الله
_ياولدي انت مؤمن وأن شاء الله انك صابر و....
قاطعه حسيت أني بنجن
_يبه مين اللي ماااااات
_بنت عمتك
دارت الدنيا فيني وماحسيت ألا وأنا في المستشفي أكتشفت ان لي يومين قمت وطلعت من المستشفى ولا أهتميت بكلام الدكاتر وصلت بيتنا ودخلت المجلس رجال اول من شفت ابوي رحت له ركض ضمته وبكيت في حضنه حاولوا الناس يهدون فيني لكن ذنبي أنا أعظم ؟ انا من قتلها بيده هذي؟ محد حاس فيني ولا وش شعوري غيري انا ؟
_الله لايوفقك
_الله لايوفقك
_الله لايوفقك
هذي كلمات اللي ترن في اذني أول ما دخلت
بعد اسبوع من العزا عرفت انها ماتت وهي تقرى القرآن بسكته قلبيه وانا من يومها كاره الحياة ودي أموت وأرتاح جتيني أختي لغرفتي أو محلق لأني رفضت ادخل داخل الفيلا
_ياخوي إذكر ربك هذا حال الدنيا شف حالك كيف يإخوي انا احبها أكثر منك بس ما وقفت الحياة
آآآه تحبنها ياليت كنت احبها وبس ياليت ياليت
_ياخوي تكلم قول شيء
طالعت فيها وابتسمت
_تدري بنت عمتي الله يرحمها وافق عليك قبل لا تموت وقالت هذا ظرف عطيه لأخوك
_وين ظرف
طلعت من جيبها ظرف صغير اعطتنيها وباست راسي وطلعت الكل فكر اني حالتي من حبي لها لكن مايدرون ان حقير وأحقر من ما يتصورن فتحت الظرف وكانت رساله مكتوب فيها
بسم الله الرحمن الرحيم
ثق اني ماوافقت عليك حب فيك لكن علشان خاطر خالي بس ولا انت احقر من أني أعيش معك إذا ماخذيت حقي في الدنيا فاالآخر عند الجبار نجتمع
الرساله سببت لي صدمه قويه دخلت مستشفى واكتشفت ان معي القلب وانسداد في شريان جلست أكثر من شهرين وطلعت بدون ما اسوي العملية
حياتي ما توفقت فيها ابدا برغم من أن تخصصي مطلوب او اجلس كذا شهر وانفصل من دوام وكل ماقررت اسوي شيء ما اتوفق وتأكدت ان هذي دعوت بنت عمتي الله يرحمها
لي ثلاث سنوات بعد هالسالفه ادعي لليل نهار على من أرسل لي رساله بلوتوث لانها دمرت حياتي بنت عمتي ماتت وان سترت لكن انا ادفع ثمن ألا الآن
حياتي مافيها شيء يسلني سوى صلاتي وقراني قطعت علاقتي مع ناس بدون سبب وصرت وحيد في هالدنيا حياتي مالها آي طعم دموعي على خدي كل يوم تغير حالي وصرت دايم ساكت ومعزل عن عالم كله حتى أمي وابوي ماعد صرت اجلس معهم احس أني حقير أذا جلست معهم وأحس أني بفضح عمري وربي ساتر علي
اللي ارسل رساله ادعي عليه لليل نهار ونصحيه اللي عنده مثل هذي مقاطع يتخلص منها ولايرسلها لا أحد وصدقوني انهم بيدعون عليك لليل نهار وما راح تستفيد من ارسالك لهم ابد الأ دعاء عليك وللي يستقبل لا تستقبل من آي أحد ألا أذا أنت تعرفه
هذي قصتي من اتعظ منها اسأل الله له توفيق
ومن لم يتعظ اسال الله له الهداية
لم اكن اريد كتابتها لولا الحاح أخي وصديقي ان ابكتبها بعد ان عرف قصتي
